फलटण येथे धम्मचक्र प्रवर्तन दिन साजरा

धम्मचक्र प्रवर्तन दिना प्रसंगी आमदार दीपक चव्हाण, श्रीमंत संजीवराजे नाईक निंबाळकर, नगरसेवक अनुप शहा,  सनी अहिवळे, सुधीर अहिवळे, सचिन अहिवळे, प्रशांत अहिवळे, बंडू अहिवळे व इतर

  Dhamma Chakra Pravartan Din celebrated at Phaltan

        फलटण (गंधवार्ता वृत्तसेवा) -  कोरोना विषाणू प्रादुर्भावाच्या पार्श्वभूमीवर फलटण येथे सोशल डिस्टंसिंगचे पालन करत 64 वा धम्मचक्र प्रवर्तन दिन साजरा करण्यात आला. यावेळी डॉ.बाबासाहेब आंबेडकर जयंती मंडळ सदस्य, नगरसेवक व मान्यवरांनी डॉ. बाबासाहेब आंबेडकर यांच्या पुतळ्यास अभिवादन केले. धम्मचक्र प्रवर्तन दिनानिमित्त विद्यार्थ्यांना वह्यांचे वाटप देखील करण्यात आले.

        64 वा धम्मचक्र प्रवर्तन दिनानिमित्त आज सकाळी डॉ. बाबासाहेब आंबेडकर चौक येथे जयंती मंडळ सदस्य व मान्यवरांनी त्रिसरण पंचशील ग्रहण करून डॉ. बाबासाहेबाना अभिवादन केले. याप्रसंगी फलटण कोरेगाव मतदार संघाचे आमदार दीपक चव्हाण, महाराष्ट्र खो-खो असोसिएशनचे अध्यक्ष श्रीमंत संजीवराजे नाईक निंबाळकर, नगरसेवक अनुप शहा, सनी अहिवळे, सचिन अहिवळे, सुधीर अहिवळे,  प्रशांत अहिवळे व इतर मान्यवर उपस्थित होते.

        धम्मचक्र प्रवर्तन दिनानिमित्त डॉ.  बाबासाहेब आंबेडकर जयंती फलटण यांच्यावतीने डॉ.  बाबासाहेब आंबेडकर स्मृति भवन, मंगळवार पेठ येथे,  १० वी ते पदवी पर्यंतचे शिक्षण घेणाऱ्या विद्यार्थ्यांना वह्यांचे वाटप करण्यात आले. धम्मचक्र प्रवर्तन दिनाच्या पूर्व संध्येला डॉ. बाबासाहेब आंबेडकर चौक येथे जयंती मंडळ सदस्य व मान्यवरांनी त्रिसरण पंचशील ग्रहण करून डॉ. बाबासाहेबाना अभिवादन केले.

विद्यार्थ्यांना वह्यांचे वाटप करताना दत्ता अहिवळे सर, मिलिंद अहिवळे, अभिलाष काकडे, स्वप्निल काकडे, संतोष काकडे