फलटण येथे भीमा कोरेगाव विजय स्तंभ अभिवादन कार्यक्रम

Bhima Koregaon Vijaystambh Abhivadan Program at Phaltan

        फलटण दि. 31 डिसेंबर  (गंधवार्ता वृत्तसेवा) - दरवर्षी १ जानेवारी रोजी, भीमा कोरेगाव येथील विजयस्तंभास अभिवादन करण्यासाठी फलटण तालुक्यातून आंबेडकरी अनुयायी, संस्था - संघटना बहुसंख्येने जात असतात, परंतु यावर्षी कोरोना संसर्गाच्या पार्श्वभूमीवर भीमा कोरेगाव येथे न जाता, गावागावात आहे तिथेच  विजयस्तंभाला अभिवादन करावे. असे आवाहन डॉ. बाबासाहेब आंबेडकर जयंती समिती (२०२१) फलटण यांच्यावतीने करण्यात आले आहे. तसेच जयंती मंडळाच्यावतीने फलटण येथील  डॉ. बाबासाहेब आंबेडकर चौक येथे भीमा कोरेगाव विजयस्तंभाची प्रतिकृती तयार करून मानवंदना देण्यात येणार आहे. 

        फलटण येथील डॉ. बाबासाहेब आंबेडकर चौक येथे भीमा कोरेगाव विजयस्तंभाची प्रतिकृती उभारण्यात येणार असून, दि. 1 जानेवारी 2021 रोजी सकाळी 11 वाजता, डॉ. बाबासाहेब आंबेडकर जयंती समिती (२०२१) व मान्यवरांच्या वतीने मानवंदना देण्यात  येणार आहे.  भीमा कोरेगाव विजय स्तंभ अभिवादन कार्यक्रम कोरोनाच्या पार्श्वभूमीवर कोरोना प्रादुर्भाव रोखण्यासाठी शासनाने घालून दिलेल्या अटी व नियमानुसार संपन्न होईल, असेही समितीकडून सांगण्यात आले.