ॲड जावेद मेटकरी यांना 'गुणीजनरत्न जिवन गौरव पुरस्कार-२०२०' प्रदान

मान्यवरांच्या हस्ते पुरस्कार स्विकारताना ॲड.  जावेद मेटकरी

        फलटण  - फलटण बार असोसिएशनचे माजी अध्यक्ष व ग्राहक संरक्षण परिषद समितीचे जिल्हाध्यक्ष ॲड. जावेद मेटकरी यांना ज्ञानसंकल्प सामाजिक संस्था, दौंड जि. पुणे यांचेवतीने जाहीर झालेल्या 'गुणीजनरत्न जिवन गौरव पुरस्कार-२०२०' या राज्यस्तरीय पुरस्काराचे वितरण दौंड येथे समारंभपुर्वक करण्यात आले.

      सातारा जिल्ह्यामध्ये नामवंत विधीतज्ञ व ऑल इंडिया मुस्लीम ओ बी सी ऑर्गनायजेशनचे सातारा जिल्हाध्यक्ष म्हणून परिचित असणार्या मेटकरी यांनी सामाजिक, शैक्षणिक, उद्योग, सांस्कृतिक, कला, साहित्य या क्षेत्रात व कोविडच्या कालावधीत केलेल्या कार्याची दखल घेवून त्यांची या पुरस्कारासाठी निवड करण्यात आली होती.

          दौंड जि. पुणे येथे पार पडलेल्या या पुरस्कार वितरण सोहळ्यास विविध क्षेत्रातील मान्यवरांची उपस्थिती होती. सदर पुरस्कार प्राप्तीबद्दल मेटकरी यांचे राजकीय, सामाजिक, शैक्षणिकसह विविध क्षेत्रातील मान्यवर विविध सेवाभावी, सामाजिक संस्थांचे प्रतिनीधी, पदाधिकारी यांच्याकडून अभिनंदन होत आहे.