अनपटवाडीत सत्तांतर ; ग्रामपंचायतीच्या नवनिर्वाचित सदस्यांचा श्रीमंत रामराजे यांच्या हस्ते सत्कार

Newly elected members of Gram Panchayat felicitated by Shrimant Ramraje Naik Nimbalakr

        फलटण : फलटण- कोरेगांव विधानसभा मतदार संघातील राजकीयदृष्ट्या महत्वपूर्ण समजल्या जाणाऱ्या अनपटवाडी ता.कोरेगांव येथील ग्रामपंचायत निवडणुकीमध्ये राष्ट्रवादी काँग्रेस पार्टी पुरस्कृत राजे गटाने ९-० असा दणदणीत विजय मिळवून सत्तांतर घडविले आहे. यानिमित्त सर्व सदस्यांचा महाराष्ट्र राज्य विधानपरिषदेचे सभापती ना.श्रीमंत रामराजे नाईक निंबाळकर (महाराजसाहेब),  आ.दिपकराव चव्हाण यांच्या शुभहस्ते सत्कार करण्यात आला. 

        दरम्यान, कृषी उत्पन्न बाजार समितीचे सभापती  श्रीमंत रघुनाथराजे नाईक निंबाळकर (बाबा), जिल्हा परिषद मा.अध्यक्ष  श्रीमंत संजीवराजे नाईक निंबाळकर (बाबा) यांनी अनपटवाडी ग्रामपंचायतीच्या निवडणुकीत विजयी झालेल्या सर्व उमेदवारांचे अभिनंदन केले.

        यावेळी अनपटवाडी ग्रामपंचायतीचे राष्ट्रवादी काँग्रेस पार्टी पुरस्कृत राजे गटाचे विजयी उमेदवार श्री.गजानन शंकर बोबडे, सौ.पुजा गणेश बोबडे, सौ.भारती तात्यासो अनपट, सौ.ललित ज्योतीराम मुळीक, सौ.विलास रामचंद्र धर्माधिकारी, सौ.रुपाली प्रशांत मुळीक, श्री.रमेश कुंडलीक भागवत, सौ.राणी धनंजय भागवत, सौ.वंदना सुर्यकांत रानभरे यांच्यासह अनपटवाडी व पंचक्रोशीतील ग्रामस्थ मोठया संख्येने उपस्थित होते.

 सौ.प्रगती कापसे यांच्याकडून माहेरवासीयांचा यथोचित सत्कार

फलटणच्या नगरसेविका सौ.प्रगती जगन्नाथ (भाऊ) कापसे यांनी अनपटवाडीहून फलटणला आलेल्या सर्व नवनिर्वाचित सदस्यांचा माहेरवासीय या नात्याने यथोचित सत्कार केला. यावेळी श्रीमंत संजीवराजे नाईक निंबाळकर यांचे स्वीय सहाय्यक श्री.भाऊ कापसे उपस्थित होते.

अनपटवाडी ग्रामपंचायतीच्या नवनिर्वाचित सदस्यांसमवेत नगरसेविका सौ. प्रगती कापसे व मान्यवर (छाया : योगायोग)