क्रीडा शिक्षक व कबड्डी खेळाचे मार्गदर्शक संग्रामजित उथळे यांचा सेवानिवृत्ती बद्दल सत्कार संपन्न

Farewell ceremony for Sangramjit Uthale on his retirement

        सातारा - येथील डेक्कन एज्युकेशन सोसायटीच्या न्यू इंग्लिश स्कूल मधील ज्येष्ठ क्रीडा शिक्षक, शिवाजी उदय मंडळाचे सचिव व कबड्डी खेळाचे मार्गदर्शक संग्रामजित उथळे यांचा सेवानिवृत्ती बद्दल हृद्य निरोप व सत्कार समारंभ संपन्न झाला. न्यू इंग्लिश स्कूलच्या शालेय समितीचे अध्यक्ष अमित कुलकर्णी यांच्या शुभहस्ते व शाळा समितीचे सदस्य डॉ.मुजुमदार, नागेश मोने व शाळेचे मुख्याध्यापक सुनील शिवले यांच्या प्रमुख उपस्थितीत गणेश कलादालनात हा सत्कार संपन्न झाला .यावेळी व्यासपीठावर सविता उथळे यांची प्रमुख उपस्थिती होती.

        अपल्या प्रास्ताविक भाषणात शालाप्रमुख सुनील शिवले यांनी उथळे सर हे 28 वर्षे शाळेच्या उपशिक्षक म्हणून कार्यरत असताना शैक्षणिक आणि विशेष करून क्रीडा क्षेत्रासाठी त्यांनी दिलेले योगदान मोलाचे आहे. त्यांचे पिताजी बबनराव उथळे यांच्या मार्गदर्शनाखाली त्यांनी क्रीडा क्षेत्रात सुरू ठेवलेली कबड्डी खेळातील मार्गदर्शनाची परंपरा यापुढेही अशीच वृद्धिंगत होवो अशा शब्दात शुभेच्छा दिल्या. शाळा समितीचे अध्यक्ष अमित कुलकर्णी यांच्या हस्ते सरस्वतीचे  सुरेख सन्मानचिन्ह ,शाल ,श्रीफळ देऊन यावेळी संग्राम उथळे यांचा सत्कार करण्यात आला .शाळेच्या पर्यवेक्षिका सौ .सुनिता राव मॅडम यांच्याहस्ते सौ. सविता उथळे यांचा साडी ,गजरा देऊन सत्कार करण्यात आला .

        न्यू इंग्लिश स्कूलचे कलाशिक्षक संदीप माळी व घनश्याम नवले यांनी उथळे सरांचे रेखाटलेले सुरेखा स्केच त्यांना भेट देण्यात आले.तसेच शाळेच्या क्रीडा विभाग शिक्षक पतसंस्था . शिक्षक सेवक कल्याण निधी,शिवाजी उदय मंडळ आदींच्या हस्ते ही उथळे सरांना सन्मानित करण्यात आले. यावेळी उथळे सरांच्या बाबत शाळेच्या हे.गो. देशपांडे ,श्री .कल्याणकर सर, त्याचबरोबर सुधाकर गुरव, सौ .सीमा जोशी. श्री मोहिते सर ,अमोल कदम सर, पर्यवेक्षिका सौ .सुजाता पाटील, सोपान सपकाळ आदींनी मनोगत व्यक्त केले.

        अमित कुलकर्णी यांनी संग्राम उथळे सरांचे वयामुळे सेवानिवृत्ती द्यावी लागत आहे, मात्र त्यांची धडाडी जिद्द व खेळासाठी चे योगदान हे एखाद्या युवकाला लाजवेल असे असून सरांनी आजपर्यंत हजारो क्रीडा खेळाडू निर्माण करून थेट आंतरराष्ट्रीय दर्जा पर्यंत मजल मारली. हीच धडाडी त्यांनी आता वयाची अट न बाळगता पूर्णपणे यात उतरून नव्या पिढीला क्रीडा विषयक मार्गदर्शन करावे अशा शब्दात शुभेच्छा दिल्या.

        निरोप समारंभाच्या सत्काराला उत्तर देताना संग्राम उथळे सरांनी आपल्या सर्वांचे सहकार्य मैत्री आणि त्याला शाळामाऊलीचे आशीर्वाद यातूनच ही अठ्ठावीस वर्षांची सेवा मी पूर्ण करू शकलो यापुढेही वडिलांप्रमाणेच कबड्डी खेळासाठी तन, मन, धन अर्पून कार्यरत राहणार असल्याचे आपल्या मनोगतात सांगितले

        कार्यक्रमास उथळे सरांचे चिरंजीव केदार उथळे ,सौ .माधवी उथळे, अमित अहिरेकर, सौ रुशाली अहिरेकर, सौ मनीषा उथळे ,अंजली उथळे, शिवाजी उदय मंडळाचे मोहनराव निकम, थोरात, श्री .दीक्षित न्यू इंग्लिश स्कूलचे शिक्षक, शिक्षिका तसेच उथळे सरांचे  आजी-माजी विद्यार्थी कार्यालयीन कर्मचारी आदींची विशेष उपस्थिती होती. समारंभाचे आभार प्रदर्शन विनया कुलकर्णी यांनी केले तर सूत्रसंचालन सौ मनीषा सुपे यांनी केले.