मुधोजी हायस्कूलच्या हॉकी खेळाडूंची राष्ट्रीय स्पर्धेसाठी निवड

श्रावणी बनकर व दिक्षा शिंदे यांचा सत्कार करताना श्रीमंत संजीवराजे नाईक निंबाळकर शेजारी प्राचार्य श्री. खुरंगे के.बी. उपप्राचार्य अहिवळे सर, क्रीडा मार्गदर्शक श्री महेश खुटाळे,  श्री सचिन धुमाळ, खुरंगे बी बी सर

        Mudhoji High School hockey players selected for national tournament

        गंधवार्ता वृत्तसेवा फलटण - हॉकी महाराष्ट्र या संघटनेच्या वतीने  ११ व्या हॉकी इंडिया सबज्युनिअर राष्ट्रीय स्पर्धेसाठी महाराष्ट्र संघाची निवड चाचणी बालेवाडी पुणे येथे  घेण्यात आली. सदर निवड चाचणीमध्ये संपुर्ण महाराष्ट्रातून ६० ते ७० खेळाडू सहभागी झाले होते. यातून कु. श्रावणी विनोद बनकर व कु. दिक्षा नितीन शिंदे या मुधोजी हायस्कूलच्या दोन खेळाडूंची महाराष्ट्राच्या मुलींच्या संघामध्ये निवड झाली आहे. या स्पर्धा सध्या झारखंड येथे सुरू आहेत.

        या अगोदर या दोन्ही खेळाडूनी मागील वर्षी झालेल्या राज्यस्तरीय सबज्युनिअर हॉकी स्पर्धेत कांस्य पदक पटकविले होते. कु. दिक्षा शिंदे चे मागील वर्षी १४ वर्षाखालील शालेय राष्ट्रीय हॉकी स्पर्धेसाठी महाराष्ट्र संघात निवड झाली होती. या दोन्ही खेळाडू हॉकी सातारा या संघटनेच्या वतीने निवड चाचणीसाठी सहभागी झाल्या होत्या.

        या राष्ट्रीय खेळाडूंचा सत्कार महाराष्ट्र महाराष्ट्र खो-खो असोसिएशनचे अध्यक्ष तथा फलटण एज्युकेशन सोसायटीचे सेक्रेटरी श्रीमंत संजीवराजे नाईक निंबाळकर  यांच्या शुभहस्ते झाला.

        या यशस्वी खेळाडूंना जिल्हा क्रीडा कार्यालय साताराचे हॉकी क्रीडा मार्गदर्शक श्री महेश खुटाळे तसेच मुधोजी हायस्कूलचे हॉकी क्रीडा मार्गदर्शक श्री सचिन धुमाळ व खुरंगे बी बी., कु धनश्री क्षीरसागर मॅडम यांनी मार्गदर्शन केले. या खेळाडूंचे व त्यांना मार्गदर्शन करणाऱ्या शिक्षकांचे विधान परिषद सभापती श्रीमंत रामराजे नाईक निंबाळकर, फलटण एज्युकेशन सोसायटीचे चेअरमन श्रीमंत रघुनाथराजे नाईक निंबाळकर, फलटण एज्युकेशन सोसायटीचे सेक्रेटरी श्रीमंत संजीवराजे नाईक निंबाळकर, स्कूल कमिटीचे व्हा चेअरमन श्री रमनलाल दोशी व स्कूल कमिटीचे सर्व सदस्य, फ ए सो क्रीडा समितीचे चेअरमन श्री शिवाजीराव घोरपडे. श्री शिरीष वेलणकर व कमिटिचे सर्व सदस्य, वरिष्ठ हॉकी खेळाडू सुजित निंबाळकर, श्री अरविंद निकम प्रशासन अधिकारी, श्री श्रीकांत फडतरे अधिक्षक फ ए सो फलटण,तसेच प्राचार्य श्री. खुरंगे के.बी. उपप्राचार्य अहिवळे सर, श्री फडतरे सर, पर्यवेक्षक श्री ननावरे सर, श्री भोसले सर, श्री. गोडसे सर, तसेच शिक्षक व शिक्षकेत्तर कर्मचारी यांनी अभिनंदन केले.