वडजल येथे 4 तलवारीसह एकास अटक

One arrested with 4 swords at Vadjal

        गंधवार्ता वृत्तसेवा फलटण - वडजल ता.फलटण गावच्या हद्दीत, फलटण लोणंद रोड वर चार तलवारीसह एकास ग्रामीण पोलिसांनी अटक केली आहे. 

        फलटण ग्रामीण पोलिसांकडून मिळालेल्या माहितीनुसार, दिनांक ०६ मार्च २०२१ रोजी रात्री  ९.३० या चे सुमारास पोलीस पेट्रोलिंग करत असताना, मौजे वडजल गावचे हद्दीत फलटण ते लोणंद जाणारे रोड लगत ओढयाचे पुलाशेजारी स्मशानभूमि जवळ गातम पोपट औताडे वय ३० वर्षे रा. खडकी ता. माण जि. सातारा हा  त्याच्या ताब्यातील बजाज डिस्कव्हर मोटारसायकल क्रमांक एम एच ४५ एल ६८०५ सह चार तलवारी आपले कब्जात बाळगलेल्या स्थितीत सापडला. पोलिसांनी त्यास अटक केली असून, त्याच्याकडील 33 इंची 3 व 32 इंची 1 अश्या चार तलवारी आणि दुचाकी असा 32 हजार रुपयांचा मुद्देमाल जप्त केला आहे.

अधिक तपास पोलीस हवालदार सावंत करीत आहेत.