राज्यस्तरीय ऑनलाइन अबॅकस स्पर्धेत यश मिळविलेल्या विद्यार्थ्यांचा सिद्धी अबॅकस कडून सत्कार

बक्षिस वितरण व सत्कार समारंभात यशस्वी विद्यार्थी समवेत मान्यवर, पालक व शिक्षक वृंद

        Siddhi Abacus felicitates the students who have achieved success in the state level online Abacus competition

        फलटण :- राज्यस्तरीय ऑनलाइन अबॅकस स्पर्धेत यश मिळविलेल्या विद्यार्थ्यांचा सत्कार फलटण येथील सिद्धी अबॅकस अकॅडमीच्या वतीने आयोजित केलेल्या बक्षीस वितरण समारंभात करण्यात आला. 

        यावेळी फलटण नगर परिषदेच्या जेष्ठ नगरसेविका सुभद्राराजे नाईक निंबाळकर, जेष्ठ पत्रकार अरविंद मेहता, फलटण एज्युकेशन सोसायटीचे प्रशासन अधिकारी अरविंद निकम, प्रोग्रेसिव्ह कॉन्व्हेंट स्कूलच्या संचालिका सौ. संध्या गायकवाड, माळजाई उद्यान समितीचे अध्यक्ष प्रतापसिंह निंबाळकर, ब्रिलियंट अकॅडमीच्या संचालिका प्रियदर्शनी भोसले, लायनेस क्लबच्या अध्यक्षा सौ नीलम लोंढे-पाटील, लायन्सचे रीजन चेअरमन बाळासो भोंगळे, लायन्स क्लबचे माजी अध्यक्ष बाहूबली कोठारी, ज्योतिषाचार्य नरेंद्र शास्त्री, योगगुरु सौ. विद्या शिंदे, डॉ. दीपा आगवणे, प्रिन्सिपल संध्या फाळके आदींची प्रमुख उपस्थिती होती.

       प्रास्ताविकात सौ कल्पना जाधव यांनी राज्यस्तरीय ऑनलाईन अबॅकस परीक्षेविषयी माहिती देऊन या स्पर्धेतील सर्व ४५ विद्यार्थी पहिल्या पाच क्रमांकामध्ये उत्तीर्ण होण्यासाठी अबॅकस शिक्षिका सौ. सुनिता जाधव, सौ. पद्मजा जंगम, सौ. रेखा खिलारे, सौ. सारंगा यादव यांनी मार्गदर्शन केले असल्याची माहिती दिली.

        कुमारी श्रेया खिलारे हिने स्वागत गीतावर विविध प्रकारची योगासने सादर करून स्वागत केले. सूत्रसंचालन प्रा. सतीश जंगम यांनी केले. कार्यक्रमास गुणवंत विद्यार्थी आणि त्यांचे पालक उपस्थित होते.