भाजपा अल्पसंख्याक मोर्चाच्या प्रदेश सरचिटणीसपदी अनुप शहांची नियुक्ती

Appointment of Anup Shah as State Sarchitnis of BJP Minority Front

      फलटण: खासदार रणजितसिंह नाईक निंबाळकर यांचे निष्ठावंत सहकारी, नगरसेवक अनुप शहा यांच्या कार्याची दखल घेऊन, राज्याचे अध्यक्ष इजाज देशमुख यांनी महाराष्ट्र प्रदेश अल्पसंख्यांक मोर्चाच्या सरचिटणीसपदी शहा यांची  नेमणूक केली आहे.

    अनुप शहा हे उत्तम संघटक असून नगरपालिकेच्या माध्यमातून त्यांचे कार्य खूप चांगले आहे. सातत्याने जनतेच्या प्रश्नावर आवाज उठवण्याचे काम करत आहेत. सामाजिक कार्यामध्ये ते नेहमी अग्रेसर असतात. याची दखल घेऊन खासदार रणजितसिंह नाईक निंबाळकर यांनी त्यांची प्रदेश कार्यकारणीकडे शिफारस केली होती, अशी माहिती जिल्हा उपाध्यक्ष जयकुमार शिंदे यांनी दिली.

    या निवडीबद्दल अनुप शहा यांचे खासदार रणजितसिंह नाईक निंबाळकर, जिल्हाध्यक्ष विक्रम पावस्कर विरोधी पक्षनेते सम शेर सिंह नाईक निंबाळकर, तालुकाध्यक्ष बजरंग गावडे, शहराध्यक्ष अमोल सस्ते, गटनेते अशोकराव जाधव, नगरसेवक सचिन अहिवळे, युवा नेते अभिजीत नाईक निंबाळकर, डॉ. प्रवीण आगवणे, युवा मोर्चाचे अध्यक्ष नानासो इवरे, भटक्या विमुक्त जमाती सेलचे अध्यक्ष सुनील जाधव, उषा राऊत, व इतर सर्व पदाधिकारी व कार्यकर्त्यांनी त्यांचे अभिनंदन केले.