कोरोनाच्या पार्श्वभूमीवर वाढदिवस साजरा न करण्याचा श्रीमंत रघुनाथराजे यांचा निर्णय

Shrimant Raghunathraje's decision not to celebrate his birthday on the backdrop of Corona

    गंधवार्ता वृत्तसेवा, फलटण दि.  १३ जून -  कोरोनाच्या पार्श्वभूमीवर कृषी उत्पन्न बाजार समिती फलटण चे सभापती श्रीमंत रघुनाथराजे नाईक निंबाळकर यांनी आपला वाढदिवस साजरा न करण्याचा निर्णय घेतला असून, आपण आहात तेथूनच, मला शुभेच्छा व आशिर्वाद द्यावेत,आपण सर्वजणांनी कोरोनापासुन काळजी घ्यावी, हीच माझ्या वाढदिवसाची खरी भेट असेल असे आवाहन केले आहे.

    आज आपल्या महाराष्ट्र राज्यावर नव्हे तर संपूर्ण जगावर कोरोनाचे संकट आहे. गेले १ वर्ष आपण सगळे एकत्रितपणे या संकटा विरुद्ध लढा देत आहोत आणि हा लढा देत असताना आपले सर्वांचे ध्येय एकच आहे, ते म्हणजे कोरोनावर मात करणे.

    सोमवार दि. १४ जून रोजी माझा वाढदिवस आहे. "कोरोनाच्या" पार्श्वभूमीवर मी माझा वाढदिवस साजरा न करण्याचे ठरविले आहे. माझ्या वाढदिवसानिमित्त तुम्ही जिथे असाल, तिथूनच मला आशिर्वाद व शुभेच्छा द्याव्यात.

    प्रशासनाने सांगितलेल्या नियमांचे पालन करून आपण प्रशासनाला सहकार्य करूया. आपण सर्वजण कोरोनापासून काळजी घ्या. हीच माझ्या वाढदिवसाची खरी भेट असेल. आपले प्रेम आणि आशिर्वाद माझ्या सोबत आहेतच असे भावनिक आवाहन श्रीमंत रघुनाथराजे नाईक निंबाळकर  यांनी केले आहे.