विडणी येथे बिगर परवाना देशी व विदेशी दारु ; वृद्धावर गुन्हा

Unlicensed liquor at Vidani; Crime against oldman

    फलटण (गंधवार्ता वृत्तसेवा) दि.२८ सप्टेंबर - विडणी गावच्या हद्दीत  बेकायदा बिगर परवाना   विक्री करण्याच्या उद्देशाने जवळ बाळगलेली ३५४३ रुपयांची  देशी व विदेशी दारु सापडल्या प्रकरणी कोकरे वस्ती विडणी येथील वृद्धावर गुन्हा दाखल करण्यात आला आहे.

    फलटण ग्रामीण पोलीस स्टेशन कडून मिळालेल्या माहितीनुसार, कोकरेवस्ती, विडणी गावच्या हद्दीत दिनांक २६ सप्टेंबर २०२१ रोजी  सायंकाळी ७:३० वाजण्याच्या सुमारास गंगाराम साळबा कोकरे, वय ६५ वर्ष  रा. कोकरे वस्ती, विडणी ता. फलटण यांच्याकडे, बेकायदा बिगर परवाना विक्री करण्याच्या उद्देशाने जवळ बाळगलेली ३५४३ रुपयांची  देशी व विदेशी दारू सापडली. यामध्ये विविध कंपन्यांच्या दारूच्या ४२ सीलबंद बाटल्या सापडल्या आहेत. कोकरे यांच्यावर गुन्हा दाखल करण्यात आला आहे.

 अधिक तपास पोलीस नाईक दराडे हे करीत आहेत.