गजानन चौकातील महात्मा गांधी यांचा पुतळा लवकर बसवावा - फलटण तालुका व शहर काँग्रेस

मुख्याधिकारी संजय गायकवाड यांना निवेदन देताना राष्ट्रीय कोंग्रेसचे पदाधिकारी 

Statue of Mahatma Gandhi at Gajanan Chowk should be installed soon - Phaltan Taluka and City Congress

    फलटण (गंधवार्ता वृत्तसेवा) दि.२ ऑक्टोबर - फलटण तालुका व शहर राष्ट्रीय काँग्रेस कमिटीच्या वतीने राष्ट्रपिता महात्मा गांधी व देशाचे दुसरे पंतप्रधान लालबहादूर शास्त्री यांच्या जयंती निमित्त त्यांच्या प्रतिमेस पुष्पहार अर्पण करून अभिवादन करण्यात आले. यानंतर राष्ट्रीय काँग्रेसच्या सर्व पदाधिकाऱ्यांनी फलटण नगरपालिकेचे मुख्याधिकारी श्री. संजय गायकवाड यांना गजानन चौकातील महात्मा गांधींचा नुतनीकरणासाठी काढलेला पुतळा लवकरात लवकर बसवावा, अशी मागणी गांधीगिरीच्या मार्गाने गुलाबपुष्प व निवेदन देऊन केली. 

महात्मा गांधी व लालबहादूर शास्त्री यांच्या जयंती निमित्त अभिवादन करताना राष्ट्रीय कोंग्रेसचे पदाधिकारी 

    याप्रसंगी राष्ट्रीय काँग्रेसचे तालुकाध्यक्ष श्री. महेंद्रभैय्या सुर्यवंशी बेडके, कार्याध्यक्ष श्री. अमिरभाई शेख,शहर अध्यक्ष श्री.पंकज पवार, युवक काँग्रेसचे शहर अध्यक्ष श्री. प्रितम जगदाळे, अनूसुचित जाती सेलचे जिल्हा उपाध्यक्ष श्री. सिद्धार्थ दैठणकर,अल्पसंख्यांक सेलचे तालुका अध्यक्ष ताजूभाई बागवान, शहर अध्यक्ष अल्ताफ पठाण,ओबीसी सेलचे तालुका अध्यक्ष दिपक शिंदे तसेच राष्ट्रीय काँग्रेसचे पदाधिकारी सर्वश्री.शरद सोनवणे, अच्युत माने,रिंकू शिंदे, अभिजित जगताप, नितीन जाधव,अनिल खोमणे, चंद्रकांत पवार,जालिंदर गायकवाड,सोपानराव जाधव उपस्थित होते.