मिरढेत चोरलेली दुचाकी जावलीत पाठलाग करून पकडली
जावली (गंधवार्ता वृत्तसेवा) - मिरढे ता. फलटण गावात जुन्या एस टी स्टॅन्ड जवळ रस्त्याच्या कडेला असणार्या खांबावर वायरमन चढलेले असल्याचा फायदा घेऊन एकजण वायरमन यांची गाडी चालू करून घेवून गेला. शनिवारी दुपारी सव्वाचार च्या सुमारास ही घटना घडली विजेच्या खांबावरील वायरमन आणि त्यांचे सहकारी रस्त्यावर येईपर्यंत चोरलेली दुचाकी घेवून चोरटय़ाने जावली शिंगणापूर कडे धुम ठोकली होती.
यावेळी वायरमन व त्यांच्या सहकाऱ्यांनी चोरट्याचा पाठलाग सुरू केला, दरम्यान याबाबत जावली मधील काही युवकांना, मोबाईल वरून माहीती दिल्यावर, जावली गावात त्या चोरट्याला आडवण्यात यश आले, त्याला पकडल्यावर त्याच्याकडे पुणे येथील आधारकार्ड होते. तर तो माण तालुक्यातील असल्याचे त्याने सांगितले. पोलिस पाटील भरत मोरे यांनी याबाबत बरड पोलिसात माहिती दिली, आणी त्याला बरड पोलिसांच्या स्वाधीन केले. भर दिवसा हा प्रकार घडल्याने चांगलीच खळबळ उडाली होती. वायरमन यांना गाडी परत मिळाल्याने समाधान व्यक्त केले.
जावली गावामधून मागील १० दिवसांपुर्वी दुचाकी चोरीला गेली रात्रीच्या वेळी गेलेली दुचाकी आजून सापडलेली नाही आशातच भर दिवसा ही दुचाकी चोरल्याची घटना घडल्याने लोकांमधुन तीव्र संताप व्यक्त करण्यात येत होता .
No comments