बलात्काराच्या गुन्हयातील फरार आरोपीस पोलिसांनी सिनेस्टाईल पाठलाग करून केले जेरबंद

Police arrest abscond accused in rape case

    फलटण (गंधवार्ता वृत्तसेवा) दि. १७ नोव्हेंबर - बलात्कार व बालकांवरील लैंगिक अत्याचार या गुन्ह्यात मागील दोन वर्षांपासून फरारी असलेला आरोपी संदीप भोसले यास फलटण ग्रामीण पोलिसांनी २ किलोमीटर सिनेस्टाईल पाठलाग करून त्यास मोठ्या शिताफीने जेरबंद केले. 

    फलटण ग्रामीण पोलीस स्टेशन येथे भा. दं. वि. सं. कलम  ३७६(२)(एन), २१२,३४ तसेच बालकांचा लैगींक अत्याचारापासून संरक्षण अधिनीयम २०१२ चे कलम ४, ६, १७ प्रमाणे दाखल असणाऱ्या गुन्हयातील आरोपी नामे संदिप धनाजी भोसले रा.निंबळक ता. फलटण जि. सातारा हा गुन्हा घडले पासुन सुमारे दोन वर्षापासुन फरार होता. पोलीस अधिक्षक अजयकुमार बन्सल,  अपर पोलीस अधिक्षक अजित बोऱ्हाडे यांनी जिल्हयातील वांटेड फरारी आरोपी यांना पकडणे बाबत शोध मोहिम राबविल्याने उपविभागीय पोलीस अधिकारी तानाजी बरडे, पोलीस निरीक्षक धन्यकुमार गोडसे यांनी फरारी आरोपी पकडण्या बाबत अक्षय सोनवणे सहा. पोलीस निरीक्षक यांना आदेश दिला होता.

    सहायक पोलीस निरीक्षक अक्षय सोनवणे  तसेच पोलीस अंमलदार गणेश अवघडे  व चालक पोलीस हवालदार  यादव असे रात्रगस्त करीत असताना, अक्षय सोनवणे सहा. पोलीस निरीक्षक यांना गोपनिय बातमीदार मार्फत सदर फरारी आरोपी हा त्याच्या राहते घरी येणार असलेची माहिती मिळाल्याने, सदर आरोपीस पकडण्या करीता, मौजे वाजेगाव ता. फलटण गावच्या हद्दीत सापळा रचुन, सदर फरारी आरोपी यास पकडणेचा प्रयत्न केला असता, सदर आरोपी हा पोलीस गाडी पाहुन तेथुन पळुन जावु लागताच, अक्षय सोनवणे सहा. पोलीस निरीक्षक तसेच गणेश अवघडे पोलीस अमंलदार यांनी सदर फरारी आरोपीचा २ किलोमीटर सिनेस्टाईल पाठलाग करून त्यास मोठ्या शिताफीने पकडले. सदर गुन्हयाचा पुढील तपास अक्षय सोनवणे सहा. पोलीस निरीक्षक हे करीत आहेत.

    सदरची कामगिरी ही श्री. तानाजी बरडे उपविभागीय पोलीस अधिकारी  फलटण, श्री. धन्यकुमार गोडसे पोलीस निरीक्षक फलटण ग्रामीण पोलीस यांचे मार्गदर्शनाखाली बरड पोलीस दुरक्षेत्राचे प्रभारी अधिकारी श्री. अक्षय सोनवणे सहा. पोलीस निरीक्षक, चालक यादव पो.हवा.ब.नं. ९७८ व गणेश अवघडे पो.कॉ.ब.नं.२५०१ यांनी केलेली आहे.