कर्मनिष्ठा सामाजिक संस्थेची आगळीवेगळी दिवाळी

A unique Diwali of Karmanishtha Social Organization

    सातारा ( गंधवार्ता वृत्तसेवा) - मातोश्री वृद्धाश्रम, महागाव येथे कर्मनिष्ठा सामाजिक संस्था,सातारा यांच्या वतीने "नवचैतन्याची दिवाळी" या उपक्रमाचे आयोजन ७ नोव्हेंबर रोजी करण्यात आले होते.

    नवचैतन्याची दिवाळी या उपक्रमात विविध कार्यक्रमांचे आयोजन, मातोश्री वृद्धाश्रम येथील आजी आजोबांसाठी केले होते. त्यामध्ये अंध लोकांचा गाण्याचा कार्यक्रम, गाण्याच्या भेंड्या, तसेच त्यांच्यासाठी चित्रकला वर्ग व इतर ऍक्टिव्हिटी घेतल्या, यामध्ये वृद्ध पुरुष महिलांनी उत्स्फूर्तपणे सहभाग नोंदवला. 

    याप्रसंगी संस्थेचे सदस्य कै. वैभव सुतार व संस्थेच्या उपाध्यक्षा कै. दिपाली गुडीले यांच्या स्मरणार्थ दैनंदिन वापरातील वस्तूंचे वाटप करण्यात आले व त्यांच्या स्मरणार्थ  पेरू व हापूस आंब्याच्या रोपांची लागवड करण्यात आली व त्या रोपांना पेरूला दिपाली व आंब्याला वैभव हे नाव देण्यात आले.

     यावेळी संस्थेच्या कामांची माहिती देऊन  जुन्या आठवणींना उजाळा देत या नवचैतन्याची दिवाळी कार्यक्रमाच्या मागचा उद्देश  संस्थेचे  अध्यक्ष संतोष शिंदे यांनी आपल्या मनोगतात सांगितला.