भाजपा प्रदेशाध्यक्ष चंद्रकांतदादा यांच्याकडून अशोकराव जाधव यांच्या पाठीवर कौतुकाची थाप ; अशोकराव जाधव यांचा वाढदिवस उत्साहात
फलटण (गंधवार्ता वृत्तसेवा) - फलटण येथे वारकरी भवन व वारकरी कार्यालय सुरू करण्याचा उपक्रम अतिशय स्तुत्य असून आगामी काळामध्ये पालखी महामार्गावर फलटण येथे वारकऱ्यांना या भवनाचा नक्कीच फायदा होईल, यासाठी खासदार रणजितसिंह नाईक निंबाळकर यांचा पुढाकार व नगरसेवक अशोकराव जाधव यांचे प्रयत्न कौतुकास्पद असल्याचे गौरवोद्गार भाजपाचे प्रदेशाध्यक्ष आ. चंद्रकांतदादा पाटील यांनी यावेळी काढले .
फलटण येथील मलठण येथे वारकरी भवनच्या उदघाटन प्रसंगी भाजपचे प्रदेशाध्यक्ष व आमदार चंद्रकांत पाटील हे बोलत होते. यावेळी आमदार जयकुमार गोरे, आ.समाधान आवताडे, ह. भ. प. बंडातात्या कराडकर यांच्यासह मान्यवरांची उपस्थिती होती. यावेळी नगरसेवक अशोकराव जाधव यांचा वाढदिवसही मोठ्या उत्साहात साजरा करण्यात आला. यावेळी भाजपाचे प्रदेशाध्यक्ष चंद्रकांत दादा पाटील यांनी त्यांना पुष्पहार घालून पाठीवर कौतुकाची थाप टाकत वारकरी भवनाच्या कामाचे कौतुक करून वाढदिवस शुभेच्छा दिल्या, तसेच खासदार खासदार रणजितसिंह नाईक निंबाळकर, आमदार जयकुमार गोरे, आमदार समाधान आवताडे, भाजपाचे सातारा जिल्हाध्यक्ष विक्रम पावसकर, सोलापूर जिल्हाध्यक्ष श्रीकांत देशमुख आदी मान्यवरांनी अशोकराव जाधव यांना शुभेच्छा दिल्या.
सकल संत सांप्रदायिक व आध्यात्मिक आणि सामाजिक विकास संस्था वारकरी संघटना फलटणचे व्यवस्थापक सदस्य श्री अशोकराव जाधव नगरसेवक फलटण यांचा वाढदिवस तालुक्यातील सर्व ज्येष्ठ कीर्तनकार प्रवचनकार व हजारो वारकऱ्यांच्या उपस्थितीमध्ये ह.भ.प. युवा मित्र बंडातात्या कराडकर यांच्या किर्तन गजरात अत्यंत उत्साहात संपन्न करण्यात आला. संस्थापक ह.भ.प. निकमभाऊ यांच्या हस्ते अशोकराव जाधव यांचा प्रथम फेटा शाल श्रीफळ पुष्पहार घालून शाही सत्कार करण्यात आला.
यावेळी संस्थापक सचिव ह भ प केशव महाराज जाधव यांनी प्रास्ताविक केले. त्यामध्ये अशोकराव जाधव यांच्या समस्त कार्याचा गौरव करण्यात आला, वारकऱ्यांचे वारकरी भवन पूर्ण केल्याबद्दल त्यांच्या पुढील कार्यासाठी शुभेच्छा व शुभ आशीर्वाद संघटनेच्यावतीने देण्यात आले. यावेळी संस्थेचे पदाधिकारी अध्यक्ष ह.भ.प. विश्वास बाप्पू धुमाळ, उपाध्यक्ष हभप प्रभाकर गावडे, खजिनदार जे एम काटकर, दादासो भोसले, ह.भ.प. बाबासो जाधव, युवक वारकरी संघटनेचे अध्यक्ष ह.भ.प. पवन सावंत आणि त्यांचे सर्व सहकारी त्याचप्रमाणे धार्मिक उत्सव समितीचे सदस्य कुमारशेठ भट्टड, किशोर गोडसे, संघर्ष समितीचे अध्यक्ष ॲड नरसिंह निकम, फलटण नगरपरिषदेचे सर्व नगरसेवक, नगरसेविका, भाजपचे सर्व पदाधिकारी, सरपंच, उपसरपंच, ग्रामपंचायत सदस्य, मलटण परिसरातील गणेशोत्सव मंडळ, शिवजयंती उत्सव मंडळ, कार्यकर्ते नागरिक आदींनी अशोकराव जाधव यांना शुभेच्छा दिल्या.
No comments