आंतरराष्ट्रीय हॉकी स्पर्धेत भारतीय संघाने जिंकले रौप्य पदक ; संघात फलटण व माण तालुक्यातील खेळाडूंचा होता सहभाग

पुणे आंतरराष्ट्रीय विमान तळावर उजवी कडून रोहित जावळे कु. ऋतुजा पिसाळ, कु. अश्विनी कोळेकर, कु. वैष्णवी फाळके आणि रोहित कारखानीस.

Indian team wins silver at International Hockey Championship

फलटण (गंधवार्ता वृत्तसेवा) : डब्लिन, आयर्लंड येथे दि. १९ ते २६ जून दरम्यान संपन्न झालेल्या ५ व्या आंतरराष्ट्रीय हॉकी स्पर्धेत भारतीय महिला संघाने रौप्य पदक जिंकले, या स्पर्धेतील भारतीय संघाची कर्णधार वैष्णवी फाळके आणि संघातील अन्य खेळाडू अश्विनी कोळेकर, ऋतुजा पिसाळ व काजल आटपाडकर यांचे पुणे आंतरराष्ट्रीय विमानतळावर हॉकी महाराष्ट्र संघटना सचिव मनोज भोरे,  रोहन जावळे, रोहित कारखानीस यांनी स्वागत केले.

    कर्णधार वैष्णवी फाळके, ऋतुजा पिसाळ या फलटण तालुक्यातील तर अश्विनी कोळेकर व काजल आटपाडकर या माण तालुक्यातील आहेत. या यशाबद्दल त्यांचे संपूर्ण सातारा जिल्ह्यातून अभिनंदन होत आहे.