फलटण तालुक्यात थेट सरपंच पदासाठी २९ आणि सदस्य पदांसाठी ४९ उमेदवारी अर्ज दाखल

29 candidatures for the post of Sarpanch and 49 for the posts of members have been filed appkication in Phaltan taluka

    फलटण (गंधवार्ता वृत्तसेवा) - दि.३० : फलटण तालुक्यात २४ ग्रामपंचायत पंचवार्षिक निवडणूकीसाठी उमेदवारी अर्ज दाखल करण्याच्या ३ ऱ्या दिवशी आज (बुधवार) थेट सरपंच पदासाठी १७ आणि  सदस्य पदासाठी ३२ उमेदवारी अर्ज दाखल झाले आहेत. आज अखेर थेट सरपंच पदासाठी २९ आणि सदस्य पदांसाठी ४९ उमेदवारी अर्ज दाखल झाल्याची माहिती तहसिलदार तथा निवडणूक निर्णय अधिकारी समीर यादव यांनी दिली आहे.

         फलटण तालुक्यात २४ ग्रामपंचायत निवडणूकीचा कार्यक्रम जाहीर झाला असून उमेदवारी अर्ज दाखल करण्याच्या ३ ऱ्या दिवशी आज सरपंच पदासाठी बरड ३, वडले २, कुरवली खुर्द १, मठाचीवाडी १, झडकबाईचीवाडी १, विडणी १, वाठार निंबाळकर १, आदर्की बुद्रूक ३, आदर्की खुर्द २, पाडेगाव १, चव्हाणवाडी १ असे १७ उमेदवारी अर्ज दाखल झाले आहेत, तर सदस्य पदासाठी बरड २, कुरवली खुर्द १, ताथवडा २, तरडफ १, विडणी १, आदर्की बुद्रूक १०, आदर्की खुर्द ८, पाडेगाव १, चव्हाणवाडी २, कुसुर ४ असे ३२ उमेदवारी अर्ज दाखल झाले आहेत.