भूमि अभिलेख विभागातील गट क पदसमुह 4 ची ऑनलाईन परीक्षा दि. 28 ते 30 नोव्हेंबर रोजी

Online Examination of Group C Post Group 4 in Land Records Department dt. On November 28 to 30

      सातारा   : भूमि अभिलेख विभागातील गट क पदसमुह 4 (भूकरमापक तथा लिपीक) संवर्गातील रिक्त पदांच्या 9 डिसेंबर 2021 रोजी प्रसिध्द करण्यात आलेल्या जाहिरातीमधील अर्ज प्रक्रियेमध्ये, उमेदवारांनी अपलोड केलेल्या सर्व प्रमाणपत्रांची  तपासणी करण्यात येवून पात्र ठरलेल्या उमेदवारांची ऑनलाईन परीक्षा दि. 28 ते 30 नोव्हेंबर 2022 या कालवधीत IBPS कंपनीमार्फत महाराष्ट्रातील विविध केंद्रांवर घेण्यात येणार आहे.

  परीक्षेचे  विभागनिहाय  वेळापत्रक व उमेदवारांचे परीक्षेचे प्रवेशपत्र विभागाच्या अधिकृत संकेतस्थळावर http://mahabhumi.gov.in  उपलब्ध करुन देण्यात आले आहे. पात्र उमेदवाराने संबंधित  संकेतस्थळावर देण्यात आलेल्या सुचनांनुसार प्रवेशपत्र डाऊनलोड करुन घ्यावे. परीक्षा पध्दतीची सविस्तर माहिती पुस्तिका विभागाच्या वरील संकेतस्थळावर अपलोड केली आहे असे उपसंचालक भूमि अभिलेख,  पुणे प्रदेश पुणे यांनी कळविले आहे.