ट्रॅक्टर ट्रॉलीची दुचाकीस धडक ; एक गंभीर

Two-wheeler collision with tractor trolley; A serious one

    फलटण (गंधवार्ता वृत्तसेवा) दि. १२ : फलटण-पुसेगाव रस्त्यावर ढवळ ता. फलटण गावच्या हद्दीत भरधाव वेगाने चाललेल्या ट्रॅक्टरच्या ट्रॉलीची दुचाकीस धडक बसल्याने दुचाकीस्वार गंभीर जखमी झाला आहे. 

            संतोष महादेव तळेकर वय ४० रा. मलठण, फलटण असे जखमीचे नाव आहे. याबाबत फलटण ग्रामीण पोलिसांकडून मिळालेली माहिती अशी की, शुक्रवार दि. ११ रोजी संतोष तळेकर हे दुचाकी क्रमांक एमएच ११ एए १५९८ वरुन पुसेगावहून फलटणकडे येत होते. ढवळ गावच्या हद्दीतील जाधववस्तीकडून येणाऱ्या कच्च्या रस्त्याजवळ रात्री साडेआठच्या सुमारास त्यांना रस्त्याच्या परिस्थितीकडे दुर्लक्ष करुन अविचाराने व भरधाव वेगाने चाललेल्या ट्रॅक्टर क्र. एम एच २३ बीसी २०७४ च्या दुसर्या ट्रॉलीची धडक बसली. या आपघातात तळेकर हे गंभीर जखमी झाले आहेत. या प्रकरणी ट्रॅक्टर चालक ( नाव व पत्ता माहित नाही ) याच्याविरुध्द ग्रामीण पोलिस ठाण्यात गुन्हा नोंद झाला आहे. अपघाताची फिर्याद जखमीचे मामा बाळासो गुलाब चव्हाण रा. अलगुडेवाडी ता. फलटण यांनी दिली असुन पुढील तपास सहाय्यक फौजदार कदम करीत आहेत.