फलटण बस स्थानकावर सेल्फी पॉईंटचे उद्घाटन

Inauguration of Selfie Point at Phaltan Bus Station

    फलटण (गंधवार्ता वृत्तसेवा) - एस.टी,महामंडळाने राज्यातील प्रत्येक बस स्थानकावर हिंदुहृदयसम्राट बाळासाहेब ठाकरे स्वच्छता अभियान सुरु केले आहे. या अभियाना अंतर्गत सर्व बस स्थानकावर स्वच्छता ,सुशोभिकरण ,प्रवाशांना स्वच्छ बसेस पुरवणे असा कार्यक्रम वर्षभर राबवण्यात येणार आहे.

    फलटण बसस्थानकावर फलटण मधील प्रसीध्द जोशी हाॅस्पीटल प्रा.ली. संचलीत फलटण रोबोटिक्स सेंटर याच्यां सौजन्याने 'आपलं फलटण बस स्थानक' असा सेल्फी पाॅईट उभारण्यात आला आहे. या सेल्फी पॉईंटचे उदघाटन जोशी हाॅस्पीटलचे सर्वेसर्वा डाॅ. प्रसन्न जोशी यांच्या शुभहस्ते  करण्यात आले. 

    या प्रसंगी आगार व्यवस्थापीका वासंती जगदाळे,स्थानक प्रमुख राजेंद्र वाडेकर, प्रवाशी संघटनेचे अध्यक्ष शिवलाल गावडेसर,भुलतज्ञ डाॅ.शरद धायगुडे, वाहतुक निरीक्षक सुहास कोरडे,सहाय्यक वाहतुक निरीक्षक सुखदेव अहिवळे, माऊली कदम,अझहर मुजावर,विवेक शिंदे ,सुनील बोद्रे,संजय टाकळे ऊपस्थीत होते. प्रशासनाच्या वतीने डाॅ.प्रसन्न जोशी याचां शाल-बुके देऊन सत्कार करण्यात आला.शिवलाल गावडे सर याचांही यावेळी सत्कार करण्यात आला. माऊली कदम यांनी  सेल्फी पाॅईट करीता वीशेष प्रयत्न केले. सेल्फी पाॅईट मुळे फलटण बस स्थानकाच्या सौदर्यात भर पडल्याचे आगार व्यवस्थापीका वासंती जगदाळे यांनी प्रतीपादन करुन सौजन्या बद्दल डाॅ.प्रसन्न जोशी यानां धन्यवाद दीले.
      कार्यक्रमाचे सूत्रसंचालन व प्रास्ताविक श्रीपाल जैन यांनी केले.