जाधववाडी, फलटण येथे घरफोडी ; २ लाख ६८ हजार रुपयांचा ऐवज लंपास

Burglary at Jadhavwadi, Phaltan; 2 lakh 68 thousand instead of lump sum

    फलटण (गंधवार्ता वृत्तसेवा) दि.२३ जून -बिरदेवनगर, जाधववाडी ता. फलटण येथील  घराचे लॉक तोडून घरात प्रवेश करून, घरातील सोन्याचांदीचे दागिने व रोख रक्कम असा एकूण २ लाख ६८ हजार रुपये किंमतीचा ऐवज अज्ञात चोरट्याने चोरून नेला आहे. चोरून नेलेल्या ऐवजामध्ये ८.५ तोळे सोन्याच्या दागिन्यांचा समावेश होता.

    याबाबत अधिक माहिती अशी की, कृष्णा गुलाबराव सुळ रा. बिरदेवनगर, जाधववाडी,  ता. फलटण हे आपल्या कुटुंबासमवेत दिनांक १०/०६/२०२३  रोजी सकाळी ९ वाजता ते दिनांक ११/०६/२०२३ रोजी दुपारी १ वाजण्याच्या दरम्यान बारामती येथे गेले होते. हीच संधी साधून, अज्ञात चोरट्याने सुळ यांच्या बिरदेवनगर येथील घराचे लॉक कशाच्या तरी साहाय्याने तोडून आतमध्ये प्रवेश करून, बेडरूममधील लाकडी कपाटाचे लॉक कशाचेतरी साहाय्याने तोडून, त्यामध्ये ठेवलेले  सोन्याचांदीचे दागिणे व रोख रक्कम असा एकूण २ लाख ६७ हजार  रुपयांचा ऐवज चोरून नेला असल्याची फिर्याद कृष्णा गुलाबराव सुळ यांनी दिली आहे. यामध्ये १) १८०००/- रुपये किंमतीची ७  ग्रॅम ८३० मिली वजनाची सोन्याची लहान चैन, २) ७५०००/- रुपये किंमतीची ३ तोळे  वजनाच्या सोन्याच्या बांगड्या ,  ३) ८००००/- रुपये किंमतीची ३२  ग्रॅम ३४० मिली वजनाची सोन्याची मोहनमाळ, ४) १८०००/- रुपये किंमतीची ७  ग्रॅम ३५० मिली वजनाचे लेडीज ब्रेसलेट, ५) ३३०००/- रुपये किंमतीची १३ ग्रॅम ७४० मिली वजनाचे जेन्ड्स ब्रेसलेट, ६) ५०००/- रुपये किंमतीच्या २  ग्रॅम वजनाच्या कानातील रिंगा, ७) १० हजार रुपये किंमतीचे चांदीचे पैंजण, ८) ५ हजार रुपये किंमतीचे चांदीचे तोडे ९) २४ हजार रुपये रोख रक्कमेचा समावेश आहे.