लूंबिनी संस्थेकडून यश संपादन केलेल्या विद्यार्थी व मान्यवरांचा सन्मान

दत्ता अहिवळे यांना समाज भूषण पुरस्काराने सन्मानित करताना मान्यवर 

Honoring students and dignitaries who have achieved success from Lumbini Institute

    फलटण (गंधवार्ता वृत्तसेवा) दि.२६ जून - लूंबिनी बहुद्देशीय संस्था, फलटण यांच्यावतीने मंगळवार पेठ, फलटण येथे १० वी व १२ वी मध्ये यशस्वी झालेल्या विद्यार्थ्यांचा व विविध क्षेत्रात यश संपादन केलेल्या मान्यवरांचा सत्कार समारंभ करण्यात आला.

    कार्यक्रमाची सुरवात महापुरुषांच्या फोटोस उपस्थित मान्यवरांच्या हस्ते पुष्प हार घालून झाली, यावेळी संजय मोरे, डॉ. वर्धमान अहिवळे सर यांचा सत्कार करण्यात आला व "समाज भूषण " या विशेष पुरस्काराने दत्ता फणस अहिवळे (सर ) यांचा सन्मान करण्यात आला.

    कार्यक्रमात जेष्ठ पत्रकार रमेश आढाव सर, प्राध्यापक प्रभाकर पवार सर, मा. नगरसेवक सचिन अहिवळे सर, मा. नगरसेविका वैशाली सुधीर अहिवळे, सुपर्णा सनी अहिवळे, प्रियदर्शनी सावंत, मधुकर काकडे, मुकेश अहिवळे, शाम अहिवळे, प्रा. स्वरूप अहिवळे सर, मंगेश काकडे, सपनाताई भोसले, हरीश काकडे यांनी आपले मनोगत व्यक्त करत विद्यार्थ्यांना मार्गदर्शन केले व पुढील वाटचालीस शुभेच्छा दिल्या.

     लूंबिनी बहुद्देशीय संस्थेचे संस्थापक अध्यक्ष कुणाल किशोर काकडे आणि गौतम अहिवळे, सुरज काकडे, वैभव काकडे, शिवेंद्र कांबळे, अभिलाष काकडे, हेमंत काकडे, सुशांत काकडे, अजय जगताप, सागर भोसले यांनी कार्यक्रम यशस्वी करण्यासाठी परिश्रम घेतले. कार्यक्रमाचे सूत्रसंचालन वैशाली संदीप कांबळे यांनी केले.