राष्ट्रवादी काँग्रेसचा दि.२५ जून रोजी मेळावा ; कार्यकर्त्यांनी उपस्थित राहावे - श्रीमंत रामराजे नाईक निंबाळकर
फलटण (गंधवार्ता वृत्तसेवा) दि.२४ - फलटण येथील महाराजा मंगल कार्यालयामध्ये रविवार दिनांक २५/६/२०२३ रोजी सकाळी १० वाजता राष्ट्रवादी काँग्रेस बुथ प्रमुखांचा मेळावा आयोजित करण्यात आला असून, सदरच्या मेळाव्यास फलटण शहरातील व तालुक्यातील सर्व कार्यकर्त्यांनी न चुकता उपस्थित राहण्याचे आवाहन महाराष्ट्र राज्य विधान परिषदेचे माजी सभापती तथा आमदार श्रीमंत रामराजे नाईक निंबाळकर यांनी केले आहे.
फलटण तालुक्यातील व शहरातील प्रमुख पदाधिकाऱ्यांची बैठक श्रीमंत रामराजे नाईक निंबाळकर यांच्या निवासस्थानी आयोजित करण्यात आली होती यावेळी सर्व पदाधिकाऱ्यांना मार्गदर्शन करताना श्रीमंत रामराजे नाईक निंबाळकर बोलत होते.
फलटण-कोरेगाव विधानसभा मतदार संघातील राष्ट्रवादी काँग्रेस पार्टी बूथ प्रमुखांच्या मेळाव्याचे आयोजन रविवार दि.२५ जून रोजी सकाळी १० वाजता महाराजा मंगल कार्यालय, लक्ष्मीनगर, फलटण येथे करण्यात आले असून, महाराष्ट्र विधान परीषद माजी सभापती आ.श्रीमंत रामराजे नाईक निंबाळकर यांच्या प्रमुख उपस्थितीत आयोजित करण्यात येत असलेल्या या मेळाव्यात राष्ट्रवादी काँग्रेस पार्टी महाराष्ट्र बुथ प्रमुख आ.शशिकांत शिंदे, सह प्रमुख आ.अरुण लाड, आ.दिपकराव चव्हाण, सारंग पाटील, जिल्हाध्यक्ष सुनिल माने, जिल्हा बुथ प्रमुख राजकुमार पाटील हे उपस्थित राहुन मार्गदर्शन करणार असल्याची माहिती राष्ट्रवादी काँग्रेस फलटण तालुकाध्यक्ष सतीश माने यांनी दिली आहे.
फलटण-कोरेगाव विधानसभा मतदार संघातील राष्ट्रवादी काँग्रेस पार्टी सर्व पदाधिकारी, कार्यकर्ते, जिल्हा परिषद, पंचायत समिती, नगर परिषद, सहकारी संस्थांचे सर्व आजी माजी पदाधिकारी, सदस्य, राष्ट्रवादी महिला आघाडी पदाधिकारी, सदस्य, राष्ट्रवादी युवक काँग्रेस पदाधिकारी, सदस्य आणि प्रामुख्याने तरुण कार्यकर्त्यांनी मोठ्या संख्येने उपस्थित राहुन संपूर्ण रचना व मार्गदर्शन समजावून घ्यावे, असे आवाहन शहराध्यक्ष मिलिंद नेवसे यांनी केले आहे.
No comments