शुक्रवार पेठ तालीम गणेशोत्सव मंडळाच्या अध्यक्षपदी फिरोज आतार यांची फेर निवड

Re-election of Firoz Atar as the President of the Friday Peth Talim Ganeshotsav Mandal

    फलटण (गंधवार्ता वृत्तसेवा) दि.२४ : फलटणकरांच्या नजरा लागून राहिलेल्या मानाचा  व नवसाला पावणाऱ्या शुक्रवार पेठ तालीम गणेशोत्सव मंडळाच्या अध्यक्ष पदावरती मा.नगरसेवक फिरोज आतार यांची बिनविरोध  व फेर निवड  करण्यात आली .या मानाच्या व नवसाला पावणाऱ्या महागणपतीच्या मंडळाची मीटिंग, रामेश्वर  गणपती मंदिरात  दिनांक २१/८/२०२३ रोजी शुक्रवार पेठ तालीम गणेशोत्सव मंडळाच्या विविध पदाच्या निवडीबाबत कार्यकर्त्याची बैठक आयोजीत करण्यात आली होती. या बैठकीत मोठ्या संख्येने कार्यकर्ते उपस्थित होते. यावेळी मागील वर्षाच्या ताळेबंद  खजिनदार बाळासाहेब भट्टड यांनी सादर केला. यानंतर यावर्षीच्या मंडळाच्या विविध पदासाठी निवडीची सूचना निलेश खानविलकर यांनी मांडली ,याचे अनुमोदन श्रीनाथ नलवडे व निलेश चिंचकर यांनी दिले. या बैठकीचे अध्यक्ष प्रीतम बेंद्रे यांनी सूचनेस मान्यता दिली.

    यावेळी अध्यक्ष, उपाध्यक्ष, सेक्रेटरी व खजिनदार पदासाठी इच्छुक कार्यकर्त्यांना नावे देण्याची सूचना बैठकीचे अध्यक्ष प्रीतम बेंद्रे यांनी केली असता, अध्यक्ष पदासाठी फक्त फिरोज आतार हे एकच नाव घेण्यात आले. तर तीन उपाध्यक्ष पदासाठी राजेंद्र कर्वे, सुमित मठपती, साजिद डांगे, तीन सेक्रेटरी पदासाठी सौरभ सुतार,प्रमोद देशपांडे, प्रणव डहाळे व दोन खजिनदार पदासाठी बाळासाहेब भट्टड व श्रीनाथ नलवडे यांची बिनविरोध  निवड करण्यात आली. 

    फलटण शहरातील सर्वात जुन्या व मानाच्या समजल्या जाणाऱ्या  व फलटण मधील सर्वात मोठी  गणेश विसर्जन मिरवणूक काढणाऱ्या शुक्रवार पेठ तालीम गणेशोत्सव मंडळ अध्यक्ष पदी पुन्हा एकदा फिरोज आतार यांची बिनविरोध निवड झाली आहे.