चैन स्नॅचिंग ; पंकजा मुंडे यांच्या स्वागताप्रसंगी १५ तोळ्याचे दागिने लंपास

chain snatching; Jewelery worth 15 tolas stolen at Phaltan

    फलटण (गंधवार्ता वृत्तसेवा) दि.७ :- राज्याच्या माजी मंत्री आणि भाजप नेत्या पंकजाताई मुंडे यांची शिवशक्ती परिक्रमा यात्रा दि. ६ सप्टेंबर रोजी फलटण येथे आली होती, त्यांच्या स्वागतासाठी कार्यकर्त्यांची गर्दी जमली होती, त्या गर्दीचा फायदा घेत, तीन जणांच्या गळ्यातील, एकूण १५ तोळे वजनाच्या सोन्याच्या चैनी आज्ञात इसमाने लंपास केल्या.

    फलटण शहर पोलीस स्टेशन कडून मिळालेली माहितीनुसार, पंकजाताई मुंडे यांची राज्यात शिवशक्ती परिक्रमा यात्रा सुरू असून, काल दि. ६ सप्टेंबर रोजी फलटण शहरामध्ये यात्रेचे आगमन होताच, क्रांतिसिंह नाना पाटील चौकात भाजपच्या कार्यकर्त्यांच्या वतीने स्वागत करण्यात आले. पंकजा मुंडे यांचा ताफा थांबताच कार्यकर्त्यांनी त्यांच्या गाडीभोवती गर्दी केली, यावेळी पत्रकार सुद्धा पंकजा मुंडे यांची मुलाखत घेण्यासाठी गाडी जवळ जाऊन थांबले होते. याच गर्दीचा फायदा घेत अज्ञात चोरट्याने भाजपा डॉक्टर सेलचे फलटण शहराध्यक्ष डॉक्टर सुभाष गुळवे यांच्या गळ्यातील ४ तोळ्याची सोन्याची चैन, सांगवी ता. फलटण येयहील महादेव कदम  यांच्या गळ्यातील १० तोळ्याची सोन्याची चैन, पत्रकार पोपटराव मिंड यांच्या गळ्यातील १ तोळ्याची चैन मोठ्या चलाकीने चोरली. पंकजा मुंडे यांचा ताफा पुढे गेल्यानंतर गळ्यातील चेन गायब झाल्याचे संबंधिताच्या लक्षात आले. अधिक तपास पोलीस हवालदार धायगुडे हे करीत आहेत.