पंकजा मुंडे यांचे फलटणमध्ये जल्लोषात स्वागत

Pankaja Munde welcomed in Phaltan

    फलटण (गंधवार्ता वृत्तसेवा) :-  माजी मंत्री आणि भाजपाच्या राष्ट्रीय सचिव पंकजाताई मुंडे यांची शिवशक्ती परिक्रमा यात्रा फलटण येथे आली असताना, क्रांतिसिंह नाना पाटील चौक येथे भाजपाच्या वतीने जल्लोषात स्वागत करण्यात आले. तसेच खासदार रणजितसिंह निंबाळकर यांच्या निवासस्थानी सौ.जिजामाला नाईक निंबाळकर यांनी स्वागत केले.

    पंकजाताई मुंडे यांची राज्यात शिवशक्ती परिक्रमा यात्रा सुरू असून, शिखर शिंगणापूर कडे जातांना फलटण शहरामध्ये यात्रेचे आगमन होताच क्रांतिसिंह नाना पाटील चौकात फटाक्यांची आतषबाजी करत कार्यकर्त्यांनी त्यांचे स्वागत केले. त्यानंतर पंकजाताई मुंडे यांनी खासदार रणजितसिंह निंबाळकर यांच्या निवासस्थानी  भेट दिली. निवासस्थानी माजी जिल्हा परिषद सदस्या सौ. जिजामाला नाईक निंबाळकर यांनी पंकजाताईंचे स्वागत केले. यावेळी भाजप प्रदेश सदस्य जयकुमार शिंदे, भाजप महिला आघाडीच्या तालुकाध्यक्ष उषा राऊत, भाजप तालुका अध्यक्ष बजरंग गावडे ,शहराध्यक्ष अमोल सस्ते, अभिजीत नाईक निंबाळकर, माजी नगरसेवक अशोकराव जाधव, सचिन अहिवळे, बबलू कदम, बबलू मोमीन डॉ. सुभाष गुळवे, वसीम मोमीन डॉक्टर सुभाष गुळवे, वसीम मनेर, राजेंद्र निंबाळकर आदी उपस्थित होते.