दुधेबावी हद्दीत टेम्पोची दुचाकीस धडक ; युवती ठार युवक जखमी
फलटण (गंधवार्ता वृत्तसेवा) दि.२ - दुधेबावी ता. फलटण गावच्या हद्दीत मोगराळे घाटाच्या पायथ्याशी एस वळणावर आयशर टेंपोने समोरून आलेल्या दुचाकी वाहनाला धडक दिल्याने, दुचाकीवरील युवती जागीच ठार झाली, तर दुचाकी चालक गंभीर जखमी झाला आहे.
शिवानी सुभाष मगर वय २२, रा. मलवडी, ता. माण असे मृत युवतीचे नाव आहे तर धीरज हिंदुराव सराटे रा. मलवडी, ता. माण असे जखमी चालकाचे नाव आहे.
याबाबत माहिती अशी, दि,१/२/२०२४ रोजी दुपारी २ वाजण्याच्या सुमारास मौजे दुधेबावी तालुका फलटण गावचे हद्दीत, फलटण ते दहिवडी जाणारे रोडने मोटरसायकल क्रमांक - एम एच ११ सी एक्स ८९६८ वरून चालक धीरज हिंदुराव सराटे वय २६ वर्ष व अंकिता सुभाष मगर वय २२ वर्षे दोन्ही राहणार मलवडी तालुका माण जिल्हा सातारा हे फलटण वरून मलवडी कडे चालले होते , मोगराळे घाटाच्या पायथ्याशी एस वळणावर दहिवडी बाजू कडून येणाऱ्या आयशर कंपनीचा निळा रंगाचा टेम्पो क्रमांक - एम एच १२ ए आर ६३०६ वरील चालकाचे नियंत्रण सुटून, मोटारसायकल ला समोरून धडक दिली, यामध्ये कुमारी अंकिता सुभाष मगर हिचा जागीच मृत्यू झाला तर धीरज सराटे यास किरकोळ व गंभीर दुखापत झाली आहे.
No comments