अक्षता ढेकळे हिचा उत्कृष्ट खेळ ; एफआयएच हॉकी ५ महिला वर्ल्ड कप मध्ये भारतास रजत पदक

Excellent performance by Akshata Dhekle; India wins silver medal in FIH Hockey 5 Women's World Cup

    फलटण (गंधवार्ता वृत्तसेवा) दि.३१ - ओमान देशात मस्कत शहरात झालेल्या एफआयएच हॉकी ५ महिला वर्ल्डकप स्पर्धेमध्ये वाखरी, ता. फलटण गावची सुवर्णकन्या कु. अक्षता आबासाहेब ढेकळे - पाटील हिच्या उत्कृष्ट खेळाच्या जोरावर भारतीय हॉकी महिला संघाने भारत देशाला वर्ल्ड कप २०२४ मध्ये रजत पदक मिळवून दिले आहे.

    या स्पर्धेत भारतीय महिला हॉकी संघाने पोलंड, अमेरिका, नामेबिया, न्यूझीलंड, दक्षिण आफ्रिका या बलाढ्य संघाना हरवून अंतिम सामन्यात प्रवेश केला होता. यापूर्वी गेल्या वर्षी अक्षताच्या प्रतिनिधींत्वामध्ये भारतीय महिला हॉकी संघाने आशिया कप स्पर्धेत सुवर्णपदक मिळवले होते.

    या घवघवीत यशाबद्दल भारतीय महिला हॉकी संघाचे आणि अक्षता ढेकळे हीचे अभिनंदन होत आहे.