राजवीर कचरे याचा ६० व १०० मीटर मध्ये प्रथम क्रमांक ; राज्य सबज्युनिअरसाठी निवड

Rajveer Kachre first place in 60m and 100m; Selection for State Subjunior

    फलटण (गंधवार्ता वृत्तसेवा) दि.५ - मुधोजी महाविद्यालय, फलटण येथे नुकत्याच सातारा जिल्हा सबज्युनिअर ॲथलेटिक्स  स्पर्धा  पार पडल्या. या स्पर्धेमध्ये  फलटण एज्युकेशन  संचलित श्रीमंत निर्मलादेवी प्राथमिक विद्यामंदिर विद्यानगर फलटण मधील इयत्ता तिसरीतील विद्यार्थी राजवीर धीरज कचरे याचा १० वर्षाखालील मुलांमध्ये १०० मीटर व  ६० मीटर धावणे या स्पर्धेमध्ये प्रथम क्रमांक पटकावला आहे, तसेच त्याची निवड सांगली येथे दि. ९ रोजी होणाऱ्या राज्यस्तरीय सब ज्युनिअर मैदानी स्पर्धा मध्ये निवड झालेली आहे. त्याने या स्पर्धेचा बेस्ट प्लेअर अॅवाॅर्ड देखील मिळवला आहे.

    या यशाबद्दल त्याचे महाराष्ट्र  राज्य खो - खो  असोसिएशनचे अध्यक्ष श्रीमंत संजीवराजे नाईक निंबाळकर यांनी अभिनंदन केले व  पुढील वाटचालीस शुभेच्छा दिल्या.   राजवीर व मार्गदर्शक  शिक्षकांचे फलटण एज्युकेशन  सोसायटी  सर्व स्कूल कमिटी व प्रशालेतर्फे   शाळा व्यवस्थापन  समिती,सर्व पालक,विद्यार्थी मुख्याध्यापक, शिक्षक व शिक्षकेतर कर्मचारी यांचे वतीने त्याचे खूप खूप अभिनंदन करण्यात आले व पुढील  वाटचालीसाठी शुभेच्छा दिल्या.