वाठार निंबाळकर येथे तलवारीसह दोघांना अटक

Two arrested with sword at Vathar Nimbalkar

    फलटण (गंधवार्ता वृत्तसेवा) दि.७  - वाठार निंबाळकर गावच्या हद्दीत टाटा मॅजिक गाडीत संशयास्पद रित्या फिरत असणाऱ्या दोघांना तलवारीसह अटक करण्यात आली आहे. दरम्यान संशयित आरोपी हे रेकॉर्डवरील गुन्हेगार असून, ते हातामध्ये तलवार घेऊन फिरत असताना मिळून आले असल्याची माहिती फलटण ग्रामीण पोलीस स्टेशनचे पोलीस निरीक्षक सुनील महाडिक यांनी दिली आहे. 

    याबाबत अधिक माहिती अशी, दि. ६/२/२०२४ रोजी दुपरी १.३० वाजण्याच्या सुमारास मौजे वाठार निंबाळकर गावच्या हद्दीत वाठार फाटा येथे संशयित आरोपी अजय संजय जाधव वय २३ वर्षे मलठण, फलटण  व कुमार उर्फ गोट्या तानाजी जाधव वय २६ वर्षे राहणार चौधरवाडी ता. फलटण हे त्यांच्या ताब्यातील टाटा मॅजिक नंबर एम एच ११ एल ९८२९ गाडीत संशयास्पद वावरत असताना मिळून आले असून, कुमार उर्फ गोट्या तानाजी जाधव याच्या कब्जात तलवार मिळून आली असून, त्यांच्याकडे सदर हत्याराबाबत व गाडी बाबत विचारपूस केली असता, त्यांनी असंबंध माहिती सांगितली त्यामुळे  त्यांच्याविरुद्ध भारतीय शस्त्र अधिनियम अनुसार गुन्हा दाखल करण्यात आला आहे. अधिक तपास पोलीस हवालदार अडसूळ हे करीत आहेत.