गॅलेक्सी को-ऑप क्रेडीट सोसायटीची गरुड भरारी ; ४४.१० कोटींचा व्यवसाय ; लवकरच पुणे येथे शाखा सुरू होणार

Garud Bharari of Galaxy Co-op Credit Society; A branch will be opened in Pune soon

    फलटण (गंधवार्ता वृतसेवा) दि.७ - फलटण जिल्हा सातारा येथिल गॅलेक्सी को-ऑप. क्रेडीट सोसायटी या पतसंस्थेने नुकत्याच संपलेल्या आर्थिक, सालात संस्थेच्या संमिश्र व्यवसायात विक्रमी १५ कोटीने वाढ होऊन, संस्थेचा संमिश्र व्यवसाय अल्पावधित ४४.१० कोटीचा यशस्वी टप्पा गाठला असून, संस्थेच्या ठेवी २५.२५ कोटी तसेच कर्ज वाटप १८.१८ कोटी असुन, त्यापैकी ५१% इतका सोनेतारण कर्ज व्यवहार असल्याची  माहिती के.बी. ग्रुप ऑफ कंपनीचे डायरेक्टर व संस्थेचे संस्थापक चेअरमन श्री. सचिन बबनराव यादव यांनी दिली.

    सन २०२३-२०२४ आर्थिक वर्षाच्या आढावा बैठकीत ते बोलत होते. संस्था ५ व्या वर्षात यशस्वी पदार्पन करत असताना हेड ऑफिस व तिन शाखांच्या माध्यमातून संस्थेने अल्पावधित गाठलेला संमिश्र व्यवसायाचा टप्पा हा लक्षणीय दिसुन येतो. संस्थेस ३८ लाख इतका नफा झाला असून, सभासदोना लाभांश देण्याचा मानस संस्थेचे चेअरमन श्री. सचिन बबनराव यादव बोलून दाखवला. संस्थेचे चेअरमन यांच्या मार्गदर्शनाखाली सर्व संचालक मंडळ व प्रशिक्षित सेवक वर्ग, सल्लागार यांच्या सहकार्याने चालू वर्षी दुष्काळी परिस्थिती असताना, देखिल संस्थेच्या संमिश्र व्यवसायात विक्रमी ५१% वाढ करणारी जिल्हा कार्यक्षेत्र असणारी गॅलेक्सी को-ऑप क्रेडीट सोसायटी एकमेव संस्था ठरली. संस्थेचे सन २०२३-२०२४ आर्थिक वर्षाअखेर १.७० कोटीचे भागभांडवल संस्थेकडे जमा आहे. संस्था येणाऱ्या कालावधीमध्ये संस्थेचे कार्यक्षेत्र हे विभाग स्तरावर वाढवून पुणे येथे नविन शाखा चालु करण्याचा मानस देखिल सचिन यादव यांनी बोलून दाखवला. संस्थेस सन २०२३-२०२४ सालात देखिल बँको ब्ल्यु रिबन पुरस्कार प्राप्त झाला असून, सदर पुरस्कार सलग तिन वर्ष प्राप्त करून संख्येने एक नवा विक्रम प्रस्थापित करून नावलौकिक मिळवला आहे.