दिपक चव्हाण यांच्या प्रचारार्थ शरद पवार यांची फलटण येथे जाहीर सभा

Public meeting of Sharad Pawar at Phaltan to campaign for Deepak Chavan

    फलटण (गंधवार्ता वृत्तसेवा) दि.15 - फलटण - कोरेगाव विधानसभा मतदारसंघातील राष्ट्रवादी काँग्रेस पक्ष शरदचंद्र पवार, भारतीय राष्ट्रीय काँग्रेस, शिवसेना उद्धव बाळासाहेब ठाकरे व मित्र पक्ष महाविकास आघाडी'चे अधिकृत उमेदवार  आ.दिपक चव्हाण यांच्या प्रचारार्थ शनिवार दिनांक १६/११/२०२४ रोजी संध्याकाळी ६:०० वाजता गजानन चौक फलटण येथे जाहीर सभेचे आयोजन करण्यात आले आहे. यावेळी महाविकास आघाडीचे उमेदवार आमदार दीपक चव्हाण, फलटण कृषी उत्पन्न बाजार समितीचे चेअरमन श्रीमंत रघुनाथराजे नाईक निंबाळकर, सातारा जिल्हा परिषदेचे मा. अध्यक्ष श्रीमंत संजीवराजे नाईक निंबाळकर, पंचायत समितीचे मा. सभापती विश्वजितराजे नाईक निंबाळकर, श्रीमंत अनिकेतराजे नाईक निंबाळकर, यांच्यासह फलटण तालुक्यातील विविध पदाधिकारी मान्यवर मोठ्या संख्येने उपस्थित राहणार आहेत.

    महायुतीचे उमेदवार सचिन पाटील यांच्या प्रचारार्थ साखरवाडी येथे उपमुख्यमंत्री अजित पवार यांची सभा झाली होती, यावेळी त्यांनी आ. श्रीमंत रामराजे नाईक निंबाळकर यांच्यावर  टीका केली होती. यावर खा. शरद पवार काय बोलणार याकडे तालुक्याचे लक्ष लागून राहिले आहे.