स्नेहसंमेलनामुले विद्यार्थ्यांच्या कलागुणांना व नेतृत्वाला वाव मिळतो - दीपक चव्हाण
फलटण (गंधवार्ता वृत्तसेवा) दि.11 - वार्षिक स्नेहसंमेलनाच्या माध्यमातून विद्यार्थ्यांच्या कलागुणांचा गौरव शिक्षण संस्थेकडून केला जातो. त्यामुळे विद्यार्थ्यांच्या नेतृत्वाला व कौशल्याला वाव मिळतो. नेतृत्व गुण केवळ राजकीय क्षेत्रातच उपयोगी पडतात असे नाही तर व्यावसायिक शैक्षणिक क्षेत्रातही त्यांचा चांगला उपयोग होतो. विद्यार्थ्यांचे विविध कलागुण पाहून प्रोग्रेसिव्हच्या विद्यार्थ्यांचेभविष्य नक्कीच उज्वल असेल असे मत माजी आमदार दीपक चव्हाण यांनी व्यक्त केले. व विद्यार्थ्यांनी सादर केलेल्या वेगवेगळ्या नृत्य प्रकाराबद्दल त्यांनी प्रशालेतील प्राचार्य , उपप्राचार्या, समन्वयीका ,शिक्षकवृंद तसेच विद्यार्थ्यांचे कौतुक केले.
गुणवरे, तालुका फलटण येथील सरस्वती शिक्षण संस्था संचलित प्रोग्रेसिव्ह कॉन्व्हेंट स्कूल अँड ज्युनिअर कॉलेज गुणवरे, येथे शनिवार दिनांक ७ डिसेंबर रोजी वार्षिक स्नेहसंमेलनाचा कार्यक्रम मोठ्या उत्साहात पार पडला. यावेळी प्रमुख पाहुणे माजी आमदार दीपक चव्हाण बोलत होते, यावेळी श्रीमंत सुभद्राराजे नाईक निंबाळकर माजी नगरसेविका नगरपरिषद फलटण, श्री दादासाहेब चोरमले सर अध्यक्ष महात्मा शिक्षण संस्था फलटण, श्री राजेंद्र शिर्के सर चेअरमन रयत सेवक को-ऑपरेटिव्ह बँक सातारा, रयत शिक्षण संस्था, श्री शंभूराज खलाटे सातारा जिल्हा प्रवक्ता राष्ट्रवादी काँग्रेस शरद पवार गट, श्री शिवाजीराव गावडे सर माजी जिल्हा परिषद सदस्य , श्री नितीन शांतीलाल गांधी , संचालक फलटण एज्युकेशन सोसायटी फलटण , श्री किशोर सिंह नाईक निंबाळकर माजी सदस्य फलटण नगरपालिका फलटण, सौ. प्रगती जगन्नाथ कापसे माजी नगरसेविका नगरपरिषद फलटण, वैशाली कृष्णात चोरमले ,माजी नगरसेविका नगरपरिषद फलटण श्री श्रेयश कदम युवा उद्योग नेते , श्री शिवाजीराव लंगुटे , माझी चेअरमन रामराजे मोटार वाहतूक संघटना , श्री खाशाबा जाधव तालुकाध्यक्ष , श्री विकास नाळे शिवसेना फलटण , श्री सचिन वाघमोडे , श्री मनोज पवार , सौ पूनम पवार ,सरस्वती शिक्षण संस्थेचे संस्थापक श्री. पांडुरंग पवार व सौ. सुलोचना पवार , संस्थेचे सचिव श्री. विशाल पवार तसेच संस्थेच्या कार्यकारी संचालिका सौ. प्रियांका पवार , प्रशालेचे विद्यमान प्राचार्य श्री. किरण भोसले , उपप्राचार्या सौ. स्वरदा जाधव , सौ. सुप्रिया सपकाळ तसेच पालक वर्ग, शिक्षक वृंद व विद्यार्थी उपस्थित होते.
कार्यक्रमाचे प्रास्ताविक श्री. विशाल पवार सर यांनी केले. कार्यक्रमासाठी उपस्थित मान्यवरांचे पुष्पगुच्छ, शाल व श्रीफळ देऊन स्वागत करण्यात आले. स्नेहसंमेलनात पूर्व प्राथमिक विभागातील नर्सरी ते युकेजी, प्राथमिक आणि माध्यमिक विभागातील इयत्ता पहिली ते नववीच्या विद्यार्थ्यांनी सहभाग घेतला होता. यामध्ये विद्यार्थ्यांनी कोळीगीत, धनगर गीत, लावणी ,पंजाबी, शेतकरी गीत, गोंधळ,इंग्लिश सॉंग यासारख्या विविध प्रकारच्या गीतांवर नृत्य सादर करत आपल्या कला दाखवल्या. स्नेहसंमेलनाचा आकर्षक ठरलेल्या कांतारा या नृत्याने सर्वांचे लक्ष वेधून घेतले.तसेच प्रेक्षकांच्या मनोरंजनासाठी फू बाई फू कॉमेडी नाटक सादर केले. तसेच इयत्ता चौथी ते नववीतील विद्यार्थ्यांनी सादर केलेल्या अफजलखानाचा वध या ऐतिहासिक नाटिकेने सर्व प्रेक्षकांना भारावून टाकले. इयत्ता पाचवीतील विद्यार्थिनींनी भारतरत्न गान कोकिळा लता मंगेशकर जी यांनी गायलेल्या सुपरहिट हिंदी गाण्यांवर नृत्य करून त्यांना श्रद्धांजली वाहिली.
कार्यक्रमातील प्रत्येक नृत्याच्या सादरीकरणाबद्दल पालकांकडून आशीर्वाद रुपी बक्षीस मिळाले. कार्यक्रमात पालकांनी आपले मनोगत व्यक्त केले. मुलांच्या या वेगवेगळ्या कलागुणांबद्दल पालकांकडून त्यांचे अभिनंदन करण्यात आले. तसेच शाळेला पुढील वाटचालीसाठी शुभेच्छा देण्यात आल्या.
कार्यक्रमाचे सूत्रसंचालन प्रशालेच्या समन्वयीका सौ. सुप्रिया सपकाळ व शिक्षिका सौ.उषा आडके यांनी केले.
No comments