२८ जानेवारी रोजी फलटण श्री २०२५ जिल्हा स्तरीय शरीर सौष्ठव स्पर्धेचे आयोजन

Organization of Phaltan Shree 2025 District Level Body Building Competition on 28 January

    फलटण (गंधवार्ता वृतसेवा) दि.२५ - फलटण श्री सद्गुरु व महाराजा उद्योग समूहाचे शिल्पकार मा. श्री. दिलीपसिंह भोसले उर्फ भैय्यासाहेब यांच्या अमृत महोत्सवी वर्षानिमित्त सातारा जिल्हा शरीर सौष्ठव संघटना, सातारा व कॅप्टन भोसले हेल्थ क्लब फलटणच्या संयुक्त विद्यमाने "फलटण श्री २०२५" भव्य जिल्हास्तरीय शरीर सौष्ठव स्पर्धेचे आयोजन मंगळवार दिनांक २८ जानेवारी २०२५ रोजी सायं. ६.०० वाजता महात्मा फुले चौक, फलटण येथे केले असल्याची माहिती महाराजा मल्टीस्टेटचे व्हा. चेअरमन रणजितसिंह भोसले यांनी दिली.

    सदर स्पर्धेत ५० ते ५५ किलो, ५५ ते ६० किलो, ६० ते ६५ किलो, ६५ ते ७० किलो, ७० ते ७५ किलो व खुल्या गटाचे स्पर्धकांना प्रवेश मिळू शकणार आहे. विजेत्या स्पर्धकांना आकर्षक बक्षिस देण्यात येणार आहे. स्पर्धेची प्रवेश फी रु. १००/- ठेवणेत आली आहे. सदर स्पर्धेत सातारा जिल्ह्यातील बॉडी बिल्डर यांनी मोठ्या संख्येने सहभागी व्हावे असे आवाहन महाराजा मल्टीस्टेट को. ऑप. क्रेडीट सोसायटी लि. फलटणचे व्हा. चेअरमन मा. श्री. रणजीतसिंह भोसले यांनी केले आहे.