फलटण नगर परिषदेमार्फत घरपट्टी व पाणीपट्टी वसुलीची मोहिम

House rent and water bill collection campaign through Phaltan Municipal Council

    फलटण (गंधवार्ता वृतसेवा) दि.१३- फलटण नगर परिषदेमार्फत नगरपालिका हद्दीतील घरपट्टी व पाणीपट्टी वसुलीची मोहिम हाती घेणेत आलेली असून, त्यामध्ये थकबाकीदारांचे नळ कनेक्शन नगरपालिकेच्या वसुली पथकाकडून बंद करणेत येत आहे. नगर परिषदेकडून ही कटू कारवाई टाळण्यासाठी थकबाकीदार मिळकतधारक यांना त्यांच्याकडे असणारी येणेबाकीची रक्क्म नगर परिषदेकडे भरणा करुन नगरपालिकेला वसुलीकामी सहकार्य करणेचे आवाहन नगरपालिकेचे मुख्याधिकारी श्री. निखिल मोरे यांचे मार्फत करणेत आले आहे.

    सध्या सन २०२४-२०२५ ची वर्षअखेर सुरु असून काही मिळकतदारांनी अदयापही मिळकतकराची रक्कम भरलेली नाही. त्यामुळे नगरपालिकेमार्फत कराची रक्कम वसुलीकामी पालिका कर्मचारी यांची ११ वसुली पथके विभागनिहाय तयार केलेली आहे. सदर पथके नागरीकांच्या घरोघरी जावून मिळकत कर भरणा करणेकामी नागरीकांना आवाहन करुन वसुली करीत आहेत. नगर परिषदेमार्फत थकबाकीदारांचे नळ कनेक्शन बंद करणेची कारवाई सुरु आहे. तसेच नगरपरिषदेचे मालकीचे शॉपिंग सेंटरमधील थकबाकीदार गाळेधारक यांचे ताब्यातील दुकानगाळे सिल करुन नगर परिषदेमार्फत ताब्यात घेणेची कार्यवाही सुरु करणेत आलेली आहे.

    नगरपालिकेमार्फत थकबाकीदार यांना आवाहन करणेत येते की, त्यांचेकडील थकीत मालमत्ता कर व पाणीपट्टीची तसेच गाळाभाडेची रक्कम त्वरीत भरणा करावी व जप्ती करणे, नळ कनेक्शन बंद करणे, गाळा सिल करणे या कटू बाबी टाळून नगर परिषदेस वसुलीकामी सहकार्य करावे.