सुरुची राडा व बाजार समिती प्रकरणी खासदार उदयनराजे व बांधकाम मंत्री शिवेंद्रसिंहराजे भोसले न्यायालयात हजर
सातारा दि. 16 (प्रतिनिधी ) - सातारा जिल्हा सत्र न्यायालयात आज सार्वजनिक बांधकाम मंत्री छ.शिवेंद्रसिंहराजे भोसले व खासदार छ.उदयनराजे भोसले हे जुन्या दोन प्रकरणावरून एकत्र न्यायालयात हजर झाले. दोन्ही राजेंच्या कार्यकर्त्यांनी तक्रारी मागे घेतल्यामुळे खिंडवाडी येथील नवीन मार्केट कमिटीचे प्रकरण न्यायालयाने निकाली काढले आहे, तर सुरुची राडा प्रकरण सेशन कोर्टाकडून जिल्हा सत्र न्यायालयात वर्ग करण्यात आले आहे .
साताऱ्यातील 2017 मधील सुरुची राडा प्रकरण आणि नवीन मार्केट कमिटीतील जागेच्या वादावरून हजार उदयनराजे भोसले यांच्या कार्यकर्त्यांसह मंत्री शिवेंद्रसिंहराजे भोसले यांच्या कार्यकर्त्यांवर गुन्हे दाखल झाले होते.हे दोन्ही खटले सातारा जिल्ह्यात सुरू आहेत, या प्रकरणात आज दोन्ही राजे त्यांच्या गुन्हे दाखल झालेल्या कार्यकर्त्यांसह न्यायालयात उपस्थित राहिले होते, यामध्ये आज न्यायालयाने खिंडवाडी येथील नवीन मार्केट कमिटीच्या प्रकरणाचा निकाल दिला, यामधील दोन्ही राजांच्या कार्यकर्त्यांनी आपल्या तक्रारी माघारी घेतल्यामुळे हा खटला जिल्हा सत्र न्यायालयाने निकाली काढला आहे.
आनेवाडी टोलनाका व्यवस्थापनाच्या प्रकरणावरून 2017 मध्ये शिवेंद्रसिंहराजे यांच्या सुरूची निवासस्थानासमोर झालेल्या दोन्ही राजांच्या कार्यकर्त्यांमधील राडा प्रकरण हे गंभीर असल्यामुळे ते सेशन कोर्टातून प्रकरण जिल्हा सत्र न्यायालयात वर्ग करण्यात आले आहे दोन्ही खटल्यात सातारा जिल्हा सत्र न्यायालयात दोन्ही राजेंनी उपस्थिती लावल्यामुळे मोठ्या प्रमाणात कार्यकर्त्यांची गर्दी न्यायालयाच्या आवारात पाहायला मिळाली .
No comments